How to create a Marketing Plan .. إزاي تقدر تعمل خطة تسويق

 

إنك تعمل خطة تسويق لشركتك بيعتبرها البعض مهمة صعبة لأنها بتحتاج لبحث و تطوير استراتيجي و تخطيط تيكتيكي و اعتبارات مالية، ولما الشركات الكبيره بتفكر تعمل خطة تسويق ممكن توصل لمئات الصفحات في حين ان الشركات الصغيره تقدر تعمل ده في وقت اقصر.
بس اللي هيخليك تقدر توصل لإستراتيچية تسويق هي الخطوة الأولي إنك تقدر تسوّق لشركتك.. مش بس كده كمان هيساعدك إنك تحقق النجاح في عالم الاعمال.
وعشان نقدر نساعدك .. هنبدأ ننشر بعض الخطوات اللي هتساعدك انك تفهم مبادئ التسويق و ازاي تقدر تطبقه بخطوات بسيطة ...

الخطوة الاولى : تحليل الوضع الحالي للشركة ..

١- اعرف شركتك.. أو بمعنى أصح اعرف نوع العمل .. Define your Company
- الخطوه الاولى في تطوير خطة تسويق هي conducting a situation analysis ده هيتطلب انك تبص لوضع شركتك الراهن .. بمعنى تاني شوف الشركه واقفه فين ، وشوف ايه إللي الشركه بتقدمه و بتقدمه ازاي، و ايه مختلف تقدر تقدم بيه المنتج بتاعك عشان يخليك متفوق في أي منافسة. و ده اللي هيخلي العميل يجيلك انت مش أي منافس ليك.. ولإن ببساطه في كتير من الشركات بتقدم اللي انت بتقدمه .. فلازم تجاوب على السؤال ده .. ليه العميل هايخترني انا مش غيري؟
- ابدا دور على نقاط قوه و مميزات تخلي العميل يجيلك .. ودي بتتسمى الخواص الداخليه للشركه وهي الاساس ف خطوات ارضاء العميل ..
- من اكتر نقاط القوه اللي اثبتت الدراسه اهميتها للعميل هي: الثقه ، الكفاءه ، الامانه و الشغف بالعميل .
- خليك مختلف في شكل المنافسه.. اعمل اللي مش بيعمله المنافس .. عشان تقدر تدي سبب كافي للعميل انه يختارك.
- لازم برضه تكون عارف ايه هي نقاط الضعف اللي ممكن تأثر على العميل.. ركز فيها اوي و اول تحددها ابدا اشتغل عليها و تحولها لنقط قوه غير كده هتكون هي دي نقاط القوه للمنافس

٢- عمل أبحاث سوق العمل .. Research your Market
في سوق العمل الحالي مش المهم فقط إنك تدرس سوق العام للعمل .. انت محتاج تدرس اكتر السوق الخاص اللي قررت تشتغل فيه.. طب بتختاره على اساس ايه ؟
لازم يكون السوق ده مربح لشركتك مش بس كده لازم تكون قادر تخدم القطاع اللي اخترته بطريقه مرضيه للعميل ..
- وعشان تقدر تختار القطاع المناسب من العملا اللي قررت تخدمهم لازم تعمل Segmentation يعني تقرر انك تقسم السوق لعدد من المجموعات المتشابه في بعض الخواص..
يعني ايه الكلام ده؟ .. يعني تبدأ تقسم السوق demographic and psychographic segmentation .. (تقسيم السوق على حسب التعداد السكاني) - (السن، النوع، التعليم، الحاله الاجتماعيه....) عشان تقدر تعرف your Target Audience - فتقدر تعرف العميل محتاج منك إيه بالزبط.
- استخدم كل مصادر المعلومات المتاحه ، ممكن تكون محتاج انك تشوف المؤشرات الاقتصاديه زي العرض و الطلب و الاسعار و التكلفه.
- ولو الميزانيه تسمح ممكن تستشير مؤسسات تجارية يكون اختصاصها تعمل تحليل للسوق و اتجاهات الصناعة.
- دور وشوف المنافس بتاعك بيقدم ايه، و بيقدمه ازاي .. الطريقه الوحيده اللي تقدر تقدم بيها حاجه مختلفه هي انك تعرف المنافس بيقدم ايه و تدرسه كويس ( هل بيقدم اسعار احسن ؟ ولا بيقدم خدمات اكتر ؟ ولا بيقدم جوده و كفاءه عاليه؟..) وانك تذاكر المنافس بتاعك في السوق ونقاط ضعفه أو قوته هيخليك تقدرتحدد وضعك ف السوق ضمن المنافسة.

3- اعرف الفرص و المخاطر اللي بتواجه شركتك Educate yourself on external opportunities and threats
- دي بتكون عناصر خارجيه بتأثر على الشركه .وتآثيرها ده هو إللي بيحدد المنافسه في سوق العمل و تذبذب عوامل السوق اللي بتساعد الشركه في تحديد وضعها ف سوق العمل
- إبدأ بتحليل اتجاهات السوق زي احتياجات و متطلبت العميل و ايه الفرق بنهم و ايه اللي العميل مستنيه و متوقعه منك.
- إبدأ دور على المؤاشرات الماليه اللي ممكن تأثر على الشركه زي مثلا وسائل الدفع الافتراضيه او معدلات التضخم الحاليه.
- مع كل الفرص او الخطر المحتمل إبدأ فكر ازاي تقتنص الفرص الايجابيه و تستفيد بيها و تقدر تقلل اي خطر ممكن يأثر في الشركه بتاعتك.
- بس خليك عارف ايه اللي هتكون محتاجه عشان تقدر تتجنب اي حاجه ممكن تحصل و تأثر سلبا على المنتج او الخدمه اللي بتقدمها و تقلل من الضرر الواقع و تكثر من إمكانيات النجاح لشركتك.

و بكده نكون شرحنا الـ SWOT Analysis و دي أول خطوه بنقوم بيها in Creating Marketing Plan

لو عايز تعرف باقي الخطوات التسويقية .. و تعرف أساسيات و مبادئ التسويق إنضم لينا لمدة ٣ أيام في الـ Marketing Workshop اللي هتنظمها Reach out Academy ١٣-١٤-١٥ آكتوبر من الساعه ٤ لـ ٩ مساءاً.

Login Form