عاوز تبدأ تتعلم لغة جديدة ومش عارف تبدأ منين ؟ إبدأ من هنا

 



ناس كتيرة بتسأل أبدأ منين في تعلم لغة جديدة، والبوست ده جمعنا فيه أهم الحاجات اللى نشرناها الفترة اللى فاتت علشان تقدروا تعرفوا بداية الطريق وماتحسوش إنكم تايهين. 

أول حاجة هتعملها انك تحفظ ال 13 نصيحة دول وتطبقهم :

1 - اوعى تخاف من الأخطاء. 
واحد من أكبر المشكلات اللى بتواجه كتير من الناس انهم بيخافوا يغلطوا وبالتالى مش بيتكلموا، ولكن الأخطاء هي اللى هتتعلم منها لأنك لما تغلط المدرس أو زميلك هيصححلك الخطأ وبالتالى مش هتغلط في نس الحاجة مرة تانية. 

2 - مارس اللغة يوميا. 
لازم يوميا تكون محدد وقت لممارسة اللغة وتقسم وقتك على الأربع
مهارت ( تحدث - استماع - كتابة - قراءة ). 

* التحدث : حتى لو مع نفسك أو تتفرج على فيديو وتاحول تقلده وهو بيتكلم. 
* الاستماع : سواء أخبار أو أغاني أو أي حاجة إنت بتحب تسمعها المهم يوميا لازم تسمع حاجة. 
* الكتابة : مهم إنك يوميا تكتب Paragraph علشان تنمي مهارتك في الكتابة. 
* القراءة : على النت هتلاقي مصادر كتير جدا ممكن تقرأ منها سواء مواقع إخبارية، أو نزل روايات واقرأها PDF.

3 - احتفظ بـNoteBook للكلمات. 
الـNoteBook دايما تكون معاك في أي مكان تروحة، علشان تسجل فيها أي كلمة جديد، وكمان لو عندك وقت فاضي تراجع الكلمات الموجوده فيها. 

4 - اختبر نفسك. 
مهم انك تختبر نفسك علشان تعرف مستواك وتعرف إيه المهارة اللي بتتحسن، وإيه المهارة اللي محتاج تشتغل عليها أكتر. 

5 - حدد أهداف واضحة. 
يعني مثلا هتحدد إنك بنهايه الأسبوع هتكون عرفت 50 كلمة جديدة، أو سمعت عدد معين من مقاطع الصوت أو قرأت 30مقال. 

6 - ابعد عن مصادر التشتت. 
حاول في وقت المذاكرة تبعد عن أي مصدر ممكن يقلل من تركيزك زي التليفون والـFacebook wink emoticon 

7 - حدد فترات للمذاكرة. 
كل فترة تكون 30 دقيقة وخودلك فاصل علشان تستعيد تركيزك وارجع كمل مذاكرة تاني. 

8 - ابعد عن فخ الاستعجال. 
أوقات كتير بنكون مستعجلين وعاوزين نلاقي نتيجة في وقت قليل وده بيكون سبب في إن كتير من الناس مش بتكمل الطريق اللى بدأته، ماتستعجلش واستمر في اللى انت بتعمله علشان تلاقي نتيجة كويسة. 

9 - اقرأ كتب الأطفال. 
لو انت مبتدأ، كتب الأطفال تعتبر بداية ممتازة جدا، لأن هتلاقي معلوماتها بسيطة واسلوبها سهل وهتقدر تكتسب منها معلومات كتير بكل سهولة. 

10 - اعرف الفكرة العامة أولا. 
لو بتقرأ مقال أو كتاب أو أيا كان الحاجة اللى بتقرأها ماتقفش على كل كلمة وتروح تدور على معناها، حاول تفهم المعنى العام الأول وبعد كده ابقى ارجع شوف الكلمات اللى انت مش عارفها. 

11 - اتعلم الـprefixes زي -Dis- ، un- ، re أو الـsuffixes 
زي -ly ، -ment- ، ful. هتساعد كتير في فهم معاني كتير من الكلمات. 

12 - الانجليزي زي سواقة العربية. 
السواقة بنتعلمها عملي مش من الكتب، وكمان الإنجليزي محتاج ممارسة علشان تقدر تتقنه. 

13 - ترجم من انجليزي لإنجليزي. 
من الأخطاء اللى بيقع فيها كتير من الناس هي إنهم بيترجموا من إنجليزي للغتهم الأم، حاول تترجم من إنجليزي لإنجليزي لأن ده هيساعدك إنك تحسن مستواك بشكل أسرع. 

ثانيا : دي برامج حملوها على الموبايل بحيث تبقى معاكم بشكل مستمر هتساعدكم في تعلم اللغة
http://on.fb.me/1JdB8b0

ثالثا : علشان تزودوا الحصيلة اللغوية عندكم ادخلوا على المواقع اللى هنا http://on.fb.me/1JdByOo

رابعا : اتفرجوا على فيديوهات كتير علشان تعرفوا إزاي تكونوا جمل وتفهوا إزاي المحادثات بتتم وتعودوا نفسكم على النطق الصحيح للكلمات ودي مجموعة من الفيديوهات الخاصة بـTedx
http://on.fb.me/1JdBGxx

خامسا : هنا هتلاقوا 15 موقع للكتب الصوتية علشان تحسنوا من الـListening 
http://on.fb.me/1JdBuy4



Login Form